اسلام آباد (نیوز ڈیسک) دفتر خارجہ نے کہا ہے کہ پاکستانی مشن ریاض میں گرنے والی عمارت سے متعلق معلومات لے رہا ہے اور پاکستانی شہریوں کی ہر ممکن مدد کی کوشش جاری ہے۔دفتر خارجہ کی جانب سے جاری بیان میں کہا گیا ہے کہ سعودی عرب کے دارالحکومت ریاض میں عمارت گرنے کے واقعے میں 10 پاکستانیوں کے جاں بحق اور کئی کے زخمی ہونے کی اطلاعات ہیں تاہم پاکستانی مشن ریاض میں موجود ہے اور پاکستانی شہریوں کی ہلاکت اور زخمیوں کی تفصیلات اکٹھی کرنے میں مصروف ہے۔ دفتر خارجہ کے مطابق حکومت پاکستان اپنے شہریوں کی مدد کیلئے بھرپور کوشش کر رہی ہے