اسلام آ باد(آن لائن)آف شور کمپنیاں رکھنے والے پاکستانیوں کے لیے ٹیکس ایمنسٹی کی تجویز پیش کی گئی ہے۔جمعرات کو سپریم کورٹ کی جانب سے تشکیل کردہ کمیٹی نے تجویز کیا ہے کہ تمام پاکستانیوں کو جن کی آف شور کمپنیاں ہیں،ٹیکس ایمنسٹی دی جائے اور ان کو کہا جائے وہ کہ کم ٹیکس شرح پر اپنی دولت لائیں۔
نجی ٹی وی کے مطابق سپریم کورٹ میں پیش کردہ تجویز میں کہا گیا کہ یہ پیشکش صرف ایک بار کیلیے ہوگی۔کمیٹی نے یہ بھی تجویز کیا ہے کہ انسداد دہشتگردی ایکٹ 1997 اور انسداد منی لانڈرنگ ایکٹ 2010 کے حوالے سے کسی کوکوئی استثنیٰ نہیں ملے گا۔
