ممبئی (این این آئی) سری دیوی کے انتقال کے بعد ان کی زندگی کے اہم راز سے پردہ اٹھ گیا ہے۔ بالی وڈ کی سپر اسٹار سری دیوی کی بونی کپور سے پہلے کی گئی خفیہ شادی کی تفصیلات منظر عام پر آگئی ہیں۔بالی وڈ کی معروف اداکارہ سری دیوی کے دبئی میں انتقال کے بعد پوری بالی وڈ انڈسٹری اور ان کے پرستار صدمے سے دوچار ہیں۔ وہی ان کے حوالے سے سوشل میڈیا پر مختلف خبریں گردش کر رہی ہیں۔
جن میں ان کی زندگی کے اہم رازوں سے پردہ اٹھایا جا رہا ہے۔ 13 اگست 1963 میں تمل ناڈو میں پیدا ہونے والی سری دیوی نے 1978 میں اپنے فلمی کریئر کا آغاز فلم سولہواں ساون سے کیا اور پھر مڑ کر پیچھے نا دیکھا۔54 سالہ سری دیوی کی ہلاکت کے بارے میں دبئی پولیس کی رپورٹ میں کہا گیا ہے کہ وہ اپنے ہوٹل کے غسل خانے میں بیہوش ہونے کے بعد باتھ ٹب میں موجود پانی میں ڈوب کر ہلاک ہوئیں۔تاہم اب سری دیوی کی زندگی کے ایک بڑے راز سے پردہ اٹھ گیا ہے۔ بھارتی نیوز ویب سائٹ کے مطابق سری دیوی نے بونی کپور سے شادی کرنے سے پہلے معروف بالی وڈ اسٹار متھن چکرا بورتے سے خفیہ شادی کر رکھی تھی۔ سری دیوی کی یہ شادی 3 سال تک قائم رہی تاہم اس کیبعد ان کے درمیان علیحدگی ہوگئی۔
