اسلام آباد(مانیٹرنگ ڈیسک) کشمالہ طارق نے خواتین کو ہراساں کرنے کی روک تھام کے محتسب کا حلف اٹھا لیا۔ صدر مملکت ممنون حسین نے کشمالہ طارق سے ان کے عہدے کا حلف لیا۔ اس سلسلے میں منعقدہ تقریب میں ممتاز شہریوں اور نمایاں شخصیات نے شرکت کی۔صدر مملکت نے
وفاقی محتسب کی ذمہ داریاں سنبھالنے پر کشمالہ طارق کو مبارکباد دی اور امید ظاہر کی کہ وہ موثر اور فعال انداز میں اپنی ذمہ داریاں سرانجام دیں گی۔کشمالہ طارق نے مقام کار پر خواتین کو ہراساں کرنے کی روک تھام کے لئے وفاقی محتسب مقرر کرنے پر صدر مملکت کا شکریہ ادا کیا۔
