اسلام آباد (مانیٹرنگ ڈیسک)پی ایس ایل کا تیسرا ایڈیشن شروع ہو چکا ہے اور اپنی شروعات سے ہی اس نے دھوم مچا دی ہے۔ بہترین کرکٹ اور سنسنی خیز میچز نے شائقین کرکٹ کو اپنے سحر میں جکڑ رکھا ہے ۔ پی ایس ایل کی 6ٹیموں کے درمیان جاری معرکے دوران خبر اب یہ ہے کہ ایسے غیر ملکی کھلاڑی جو اپنے قومی اور ذاتی فرائض کے باعث ابھی تک پی ایس ایل میں شریک نہیں ہوئے تھے، وہ بھی دبئی پہنچ رہے ہیں۔اسلام آباد یونائیٹڈ کی ٹیم میں شامل ایسا ہی ایک غیر ملکی کھلاڑی دبئی پہنچ گیا ہے

جو اپنی دھواں دار بلے بازی سے باؤلرز کے چھکے چھڑانے میں کوئی ثانی نہیں رکھتا۔ یہ کھلاڑی کوئی اور نہیں بلکہ جنوبی افریقی آل راؤنڈر جے پی ڈومنی ہیں جو رات کے وقت دبئی پہنچے اور اسلام آباد یونائیٹڈ نے مداحوں کو یہ خوشخبری سنائی ہے۔اسلام آباد یونائیٹڈ کے ٹویٹر ہینڈل سے جے پی ڈومنی کی دبئی ائیرپورٹ سے باہر آتے ہوئے تصویر شیئر کی گئی ہے اور اس تصویر کے ساتھ جاری پیغام میں کہا گیا ہے کہ ’’میرا پیا گھرآیا۔۔جے پی ڈومنی آ گئے ہیں اور اب ذرا شیر کی ذرا تیز دھاڑ کیلئے تیار ہو جائیں۔“

موضوعات:اسلام آباد یونائیٹڈ پی ایس ایل جے پی ڈومنی