دبئی (مانیٹرنگ ڈیسک) پاکستان سپر لیگ پاکستانی شائقین کا آج کل محور و مرکز ہے، پاکستانی شائقین دبئی میں ہونے والے پاکستان سپر لیگ کے تیسرے ایڈیشن سے لطف اندوز ہو رہے ہیں، پاکستان کے سابق صدر و آرمی چیف جنرل (ر) پرویز مشرف ایک میچ دیکھنے کے لیے سٹیڈیم گئے وہ میچ دیکھنے میں مصروف تھے کہ اسی دوران پاکستانی کرکٹ شائقین کی ان پر نظر پڑ گئی، انہیں دیکھتے ہی شائقین کرکٹ نے
کچھ ایسا کام کیا کہ کسی نے سوچا بھی نہ ہوگا، کرکٹ شائقین نے سابق صدر پرویز مشرف کو دیکھتے ہی نعرے لگانا شروع کر دیے اور ایک نعرہ جو سب سے زیادہ لگایا گیا وہ تھا جنرل صاحب زندہ باد، جنرل صاحب زندہ باد۔ جب تماشائیوں نے یہ نعرے لگائے تو سابق صدر پرویز مشرف نے مسکراتے ہوئے ان کی طرف ہلا کر نعروں کا جواب دیا، سابق صدر پرویز مشرف کی یہ ویڈیو سوشل میڈیا پر وائرل ہو گئی ہے۔
