لاہور ( این این آئی)مسلم لیگ(ن) کے قائمقام صدر کے چناؤ کے لئے مجلس عاملہ کا اجلاس ( منگل ) ہو گا ۔ اجلاس کی صدارت پارٹی چیئرمین راجہ ظفرالحق کریں گے جس میں پارٹی کے قائمقام صدر کا انتخاب کیا جائے گا ۔ سپریم کورٹ کے 28جولائی کے فیصلے پر نوازشریف کی اسمبلی رکنیت سے نااہلی کے بعدمسلم لیگ(ن) کی سنٹرل ورکنگ کمیٹی نے سینئر نائب صدر سردار یعقوب ناصر کو

قائمقام صدر منتخب کیا تھا اور امکان ہے کہ اس مرتبہ بھی انہیں ہی قائمقام صدر کی ذمے داریاں سونپی جائیں گی ۔ ذرائع کے مطاق 45روز میں مسلم لیگ(ن) کے باقاعدہ صدر کا انتخاب کرنے کے لئے پارٹی کی مرکزی جنرل کونسل کا اجلاس بلایا جائے گااور مسلم لیگ(ن) پنجاب کے صدر و وزیراعلی پنجاب محمد شہبازشریف کے صدر منتخب ہونے کے قوی امکان ہے ۔