اسلام آباد (مانیٹرنگ ڈیسک)معروف اینکر پرسن منصور علی خان نے  نجی ٹی وی پر اپنے پروگرام میں بات کرتے ہوئے شاہد مسعود کو آڑے ہاتھوں لے لیا۔منصورعلی خان کا کہنا تھا کہ  شاہد مسعود نے سستی شہرت حاصل کرنے کے لیے قصور کی معصوم اور ننھی زینب کے قتل کیس پر جھوٹے دعوے کئے ،سپریم کورٹ کی توجہ اپنی جانب مبذول کرواتے ہوئے گمراہ کن خبر پر نوٹس لینے کا مطالبہ بھی کیا۔لیکن جب سپریم کورٹ نے نوٹس لے لیا اور خبر کا ثبوت مانگا تو صاحب

نکلے کہانی باز، اب عدالت کسی کی بھی کہانیاں سننے کو تیار نہیں۔ لاہور سپریم کورٹ رجسڑی میں ذمہ دارصحافیوں کو بلا کر پوچھا گیا، سب نے ہی اس خبر سے لا تعلقی کا اظہار کیا۔ جے آئی ٹی بنی اور اگلے ہفتے رپورٹ پیش ہونے کے بعد سپریم کورٹ کی جانب سے ایک اور تاریخی فیصلہ سنایا جائے گا۔ جو پاکستان کی 70 برس کی صحافت میں ایک سنگ میل ثابت ہو گا،واضح رہے کہ شاہد مسعود نے زینب قتل کیس کے بعد ملزم عمران سے متعلق سنسنی خیز انکشافات کئے تھے۔