اسلام آباد(مانیٹرنگ ڈیسک)سری دیوی کی میت کو خصوصی طیارے کے ذریعے دبئی سے ممبئی منتقل کیاجائے گا جس کے لیے ایک خصوصی طیارہ دبئی پہنچادیاگیاہے،بھارتی میڈیا کے مطابق یہ طیارہ بھارتی صنعتکار اور ملک کے چوتھے امیر ترین شخص انیل امبانی نے بھجوایا ہے اورامکان ہے کہ پیر کی شام سات بجے تک میت بھارت پہنچ جائے گی ۔جس کے بعد آنجہانی اداکارہ کی آخری
رسومات ادا کی جائیں گی ۔بھارتی میڈیا کے مطابق13نشستوں کا حامل پرائیویٹ طیارہ رئیلائنس ٹرانسپورٹ اینڈ ٹریول لمیٹڈ کی ملکیت ہے جو ممبئی سے اتوار کی سہہ پہر ڈیڑھ بجے روانہ ہوا تھا، لیکن فی الحال سری دیوی کے جسدخاکی کی منتقلی سے متعلق متاثرہ فیملی کی طرف سے کوئی بیان سامنے نہیں آیا۔واضح رہے کہ سری دیوی دبئی کے ایک ہوٹل میں دل کا دورہ پڑنے سے چل بسی تھیں۔
