نیویارک (آئی این پی ) اقوام متحدہ میں چین کے مستقل مندوب ما چاو شوئی نے کہا ہے کہ سلامتی کونسل کو شامی مسئلے پر اتحاد کو بھی برقرار رکھنا چاہیئے،مسئلہ شام کے حل کیلئے سیاسی طریقے سے نمٹنے کے عمل کو تیز کیا جائے گا، شام میں انسانی مسئلہ شام کی مجموعی صورتحال اوسیاسی عمل سے قریبی تعلق رکھتا ہے۔ چائنہ ریڈیو انٹرنیشنل کے مطابق ۔اقوام متحدہ میں چین کے مستقل مندوب ما چاو شوئی نے مسئلہ شام پر ہنگامی اجلاس میں شرکت کی۔
اور اپیل کی کہ عالمی برادری اقوام متحدہ کے مصالحت میں مسئلہ شام کے مختلف فریقوں میں بات چیت اور مذاکرات سمیت سیاسی طریقے سے شامی مسئلے کو جلد از جلد حل کرنے کی حمایت کرے ،تاکہ شام میں انسانی صورتحال کو حقیقی طور پر بہتر کیا جا سکے ۔چینی مندوب نے کہا کہ شام میں انسانی مسئلہ شام کی مجموعی صورتحال اور شام کے سیاسی عمل سے قریبی تعلق رکھتا ہے۔شامی مسئلے کے حوالے سے سلامتی کونسل کی کارروائیوں کو شام میں مجموعی انسانی صورتحال کوبہتر کرنے ، فائر بندی کے رجحان کو مضبوط بنانے اور سیاسی طریقے سے شامی مسئلے کو حل کرنے سے فائدہ مند ہونا چاہیئے۔سلامتی کونسل کو شامی مسئلے پر اتحاد کو بھی برقرار رکھنا چاہیئے۔
