اسلام آباد (نیوز ڈیسک) وفاقی وزیر منصوبہ بندی و ترقی احسن اقبال نے کہا ہے کہ اقتصادی راہداری منصوبہ نے ملک دشمن عناصر کی نیندیں اڑا دی ہیں۔ عوامی نیشنل پارتی کو اقتصادی راہداری پر سیاست نہیں کرنی چاہئے ان خیالات کا اظہار انہوں نے اسلام آباد میں میڈیا سے گفتگو کے دوران کہی۔ انہوں نے کہا کہ اقتصادی راہداری منصوبہ سے قوم صوبوں میں یکساں ترقی و خوشحالی آئے گی انہوں نے کہا کہ ڈی آئی جی خان‘ ژوب‘ کوئٹہ اور گوادر روٹ کو سب سے پہلے مکمل کیا جائے گا۔ انہوں نے اے این پی کو تنقید کا نشانہ بناتے ہوئے کہا کہ انہیں اقتصادی راہداری منصوبہ پر سیاست نہیں کرنی چاہئے اقتصادی راہداری کو متنازع بنانے کا مقصد ملکی مستقبل سے کھیلنا ہے۔