دبئی (نیوزڈیسک) انٹرنیشنل کرکٹ کونسل نے ٹیسٹ کی نئی درجہ بندی جاری کردی ہے۔ بولرز کی ٹاپ ٹین پوزیشنز پرکوئی پاکستانی کھلاڑی شامل نہیں۔ رینکنگ کے مطابق انگلش کرکٹرز جیمزاینڈرسن اور جو روٹ ویسٹ انڈیز کو شکست دینے کے بعد کیرئیر کی بہترین پوزیشنز پر آ گئے ہیں۔ اینڈرسن تین درجے ترقی کرتے ہوئے پہلی بار ٹیسٹ باو¿لرز میں دوسری پوزیشن پر آئے ہیں۔ جنوبی افریقہ کے ڈیل سٹین سرفہرست ہیں۔ ٹاپ ٹین باو¿لرز میں کوئی پاکستانی شامل نہیں۔ سعید اجمل گیارہویں جبکہ جنید خان اور عبدالرحمان بالترتیب 16ویں اور17ویں پوزیشنز پر ہیں۔ انگلش بلے باز جو روٹ پہلی بار ٹاپ5کھلاڑیوں میں شامل ہوئے ہیں۔ فہرست میں کمارا سنگاکارا اول، جنوبی افریقہ کے اے بی ڈی ویلیئرز دوئم اور ہاشم آملہ تیسری پوزیشن پر ہیں۔ ٹاپ ٹین بلے بازوں میں پاکستان کے یونس خان8ویں اور مصباح الحق 10ویں پوزیشن پر ہیں۔ ٹیسٹ درجہ بندی میں پاکستان کی چوتھی پوزیشن ہے جسے برقرار رکھنے کے لیے بنگلہ دیش کے خلاف کل سے شروع ہونے والی سیریز جیتنا ہو گی۔