سینٹ مور ٹیز (مانیٹرنگ ڈیسک) پاکستان کے مایہ ناز کھلاڑی شاہد آفریدی جو کرکٹ میں اپنے جارحانہ انداز کی بدولت پاکستان سمیت دنیا کے تمام شائقین کرکٹ کے دلوں پر راج کرتے ہیں، میچ کے بعد تحریک انصاف کے ایک کارکن نے تحریک انصاف کی ٹوپی پہن رکھی تھی اس

نے آٹو گراف لینے کے لیے ٹوپی آگے کی مگر شاہد آفریدی نے اسے نظرانداز کر دیا۔ تفصیلات کے مطابق پاکستان کے معروف کرکٹر شاہد آفریدی برف کے میدان پر ہونے والے دو میچوں کی سیریز کھیلنے سوئٹزر لینڈ گئے جہاں شاہد آفریدی کے ساتھ پاکستانیوں سمیت دوسرے ملکوں کے کھلاڑی بھی موجود تھے، یہ دو میچوں کی سیریز شاہد آفریدی الیون نے سہواگ الیون کو ہرا کر اپنے نام کی، میچ کے اختتام پر جب شاہد آفریدی مداحوں سے ملنے کے لیے ان کے پاس آئے تو انہوں نے شاہد آفریدی کو خوش آمدید کہتے ہوئے ان کے ساتھ تصاویر بنوائیں اور آٹو گراف بھی لیے۔ شاہد آفریدی کے ان مداحوں میں ایک پاکستانی نوجوان بھی تھا جس نے تحریک انصاف کی ٹوپی سر پر سجا رکھی تھی اس نے شاہد آفریدی کو تحریک انصاف کی ٹوپی پر آٹو گراف دینے کے لیے ٹوپی آگے کی مگر شاہد آفریدی نے نظروں کے سامنے ہوتے ہوئے بھی اسے نظرانداز کر دیا اور وہاں موجود ایک شخص کے بلے پر آٹو گراف دیا اور اس موقع پر ایک شخص نے پاکستانی جھنڈا اٹھا رکھا تھا اس پر بھی انہوں نے آٹو گراف دیے اور آگے بڑھ گئے۔ ان کی یہ ویڈیو نے سوشل میڈ یا پر وائرل ہے۔