اسلام ا باد ( نیوز ڈیسک)ترجمان تحریک انصاف شیریں مزاری نے کہا ہے کہ عمران خان اور شاہ محمود قریشی کے بارے میں جاوید ہاشمی کے بیان پرافسوس ہوا۔ پارٹی انتخابات میں عمران خان اور شاہ محمود قریشی بلا مقابلہ منتخب ہوئے۔ تحریک انصاف کی ترجمان شیریں مزاری نے کہا ہے کہ جاوید ہاشمی اتنی جلدی جمہوری روایات بھول گئے ہیں۔ ہاشمی صاحب بھول گئے ہیں کہ پارٹی انتخابات میں عمران خان اور شاہ محمود قریشی بلا مقابلہ منتخب ہوئے۔ پارٹی انتخابات میں عمر چیمہ نہ صرف جاوید ہاشمی کیخلاف کھڑے ہوئے تھے بلکہ ہاشمی صاحب کی ذہنی کیفیت سیمتعلق درخواست بھی دائر کی تھی۔ شیریں مزاری کا کہنا ہے کہ جن پر اعتماد ہو وہی لوگ بلا مقابلہ منتخب ہوتے ہیں۔ پارٹی کے چیئرمین اور وائس چیئرمین پر سب کو اعتماد ہے۔