اسلام اباد (نیوز ڈیسک) وزارت قانون و انصاف نے پاکستان حلال اتھارٹی بل حتمی منظوری کے لیے پارلیمنٹ کوارسال کردیا ہے۔ذرائع کے مطابق پاکستان میں حرام اشیاکی ا میزش والی مصنوعات کی مستقل بندش کے سلسلے میں پاکستان حلال اتھارٹی کے قیام کے لیے کام تیزی سے جاری ہے۔ حلال اتھارٹی درامداور برامدکی جانے والی مصنوعات 100فیصد حلال ہونے کی ضامن ہوگی۔ اتھارٹی کے چیئرمین وفاقی وزیر سائنس وٹیکنالوجی ہوں گے جبکہ ممبران میں سیکریٹری تجارت، سیکریٹری خزانہ، سیکریٹری صنعت و پیداوار، سیکریٹری نیشنل فوڈ سیکیورٹی، سیکریٹری مذہبی امور، چاروں صوبائی چیف سیکریٹریزبشمول ازاد کشمیر، گلگت و بلتستان، ڈی جی پاکستان اسٹینڈرڈ کوالٹی اینڈ کنٹرول اتھارٹی، ڈی جی پاکستان نیشنل ایکریڈیٹیشن کونسل، صدر ایف پی سی سی ائی آر ، چیئرمین اسلامک چیمبرا ف کامرس اینڈ انڈسٹری، 3مذہبی اسکالرز، بین الاقوامی اسلامی یونیورسٹی اسلام ا باد کا نمائندہ، پاکستان ایگری کلچر ریسرچ کونسل کا تجویزکردہ غذائی ماہر، ڈی جی پاکستان حلال اتھارٹی ممبروسیکریٹری ہوں گے۔ 18ویں ترمیم کے بعدقومی سطح پربننے والایہ واحدادارہ ہے جس پرتمام یونٹس نے ا مادگی ظاہر کی ہے۔ بل مشترکہ مفادات کونسل نے وزیراعظم کی قیادت میں پاس کرکے کابینہ کو بھجوا دیا ہے۔