کراچی(آن لائن) وزیر مملکت برائے بجلی عابد شیر علی نے سابق ( ایس ایس پی) راؤ انوار کی گرفتاری کے لئے پولیس کو زرداری ہاؤس پر چھاپہ مارنے کا مشورہ دے دیا۔ جمعرات کے روز کراچی پہنچنے کے بعد صحافیوں سے گفتگو میں عابد شیر علی نے کہا کہ راؤ انوار ایک قاتل، ڈاکو ہے جس نے معصوم لوگوں کی جان لی ہے ایسے مجرم کو ہر حال میں گرفتار کرنا چاہئے۔ انہوں نے کہا کہ میں پولیس کو مشورہ دیتا ہوں کہ سابق ( ایس ایس پی) راؤ انوار
کو گرفتار کرنے کے لئے زرداری ہاؤس پر چھاپہ مارا جائے تو راؤ انوار مل جائے گا ان کا کہنا تھا کہ آئندہ کے لئے الیکشن میں سندھ کی گندگی کو صاف کیا جائے گا اور پیپلزپارٹی میں ان کے حواریوں نے جو سندھ کا مال لوٹا عوام کے حقوق پر ڈاکہ مارا اور آیان علی کے بیگ میں سندھ کے لوگوں کے پیسے بھیجے اور حکمران نے ان پیسوں سے باہر محل بنائے اب ان لوگوں کے لئے یہ یوم حساب ہے میرا اقتدار عشق ہے آگے آگے دیکھیئے ہوتا ہے کیا؟
