لاہور( نیوزڈیسک)وفاقی وزیر ریلوے خواجہ سعد رفیق نے کہا ہے کہ پیپلز پارٹی اور (ن) لیگ نے الزامات کی سیاست سے سبق سیکھ لیا ہے اور ایک ریڈ لائن لگا دی ہے کہ کس حد تک جانا ہے ، عمران خان ابھی نوزائیدہ ہیں لہٰذابدلوں کی سیاست چھوڑ کر کارکردگی کی سیاست کی طرف آئیں ،عمران خان نے اڑھائی سال میڈیا ٹرائل کیا لیکن ابھی تک جوڈیشل کمیشن میں دھاندلی کاکوئی بھی ثبوت پیش نہیں کر سکے،کنٹونمنٹ بورڈز کے بلدیاتی انتخابات میں مقامی چھٹی نہ ہونے اور پولنگ کا دورانیہ نہ بڑھانے کی وجہ سے ووٹ کا ٹرن آوٹ کم رہا،، وزرا ءکی انتخابی مہم پر پابندی لگا کر انسانی حقوق کی خلاف ورزی کی گئی۔ان خیالات کا اظہار انہوں نے وارڈ نمبر 2میں ووٹ کاسٹ کرنے کے بعد میڈیا سے گفتگو کرتے ہوئے کیا۔ خواجہ سعد رفیق نے کہا کہ عمران خان کنٹینر پر چڑھ کر اور کبھی کنٹینر سے اتر کر جمہوریت پر حملے کرتے رہتے ہیں جبکہ ہمارا پونے دو سال سے ٹرائل چل رہا ہے لیکن ابھی تک جوڈیشل کمیشن میں دھاندلی کاکوئی بھی ثبوت پیش نہیں کر سکے۔عمران خان کو اڑھائی سال تک میڈیا ٹرائل کرنے کے باوجود معاف کرتے ہیں، لیکن اب عمران خان کو بھی چاہیے کہ وہ باتوں کی سیاست چھوڑ کر خیبر پختونخوا ہ کوماڈل صوبہ بناکردکھائیں۔ انہوں نے کہا کہ این اے 125کا فیصلہ آنے سے دودھ کا دودھ اور پانی کا پانی ہو جائے گا اور الیکشن ٹریبونل کا فیصلہ سب کو مانناہو گا۔ اس سوال کہ اگر بلدیاتی انتخابات میں (ن) لیگ جیت جاتی ہے تو کیا آپ عمران خان سے کہیں گے کہ وہ الےکشن ٹر ےبونل مےں سے کےس واپس لے لےں ؟ کا جواب دیتے ہوئے سعد رفےق نے کہا مےں عمران خان سے کےوں کہوں گا کہ وہ پٹےشن واپس لےں ؟اب تو عمران خان کو دھاندلی کے ثبوت دےنا ہو نگے جو انکے پاس نہےں اور اب ٹر ےبونل کا فےصلہ بھی آنا والا ہے جسکا ہمےں انتظار کر نا چاہےے تاکہ دودھ کا دودھ اور پانی کا پانی ہو سکے۔ انہوں نے کہا کہ اب وقت آگےا ہے کہ الزامات کی بنےاد کی بجائے کارکر دگی کی بنےاد پر سےاست کی جائے اور جس جماعت کو جہاں مےنڈ ےٹ ملا ہے وہاں عوام سے کےے جانےوالے وعدوں کو پورا کر ےں اور انکے مسائل کو حل کےا جائے پھر انتخابات مےں عوام اپنے ووٹ کے ذرےعے جو بھی فےصلہ کر ےں سب کو اسکو تسلےم کر نا چاہےے۔