ممبئی (این این آئی)بالی وڈ اداکارہ پریانکا چوپڑا کی سوانح حیات پر مبنی ایک کتاب پر کام تیز کر دیا گیا ہے جس میں ان کے بالی وڈ سے ہالی وڈ تک کے اسٹارڈم کے بارے میں بہت کچھ شیئر کیا جائے گا۔میڈیا رپورٹ کے مطابق اس کتاب پر عاصم چھبرا نامی صحافی کام کررہے ہیں وہ اس سے قبل ششی کپور کی سوانح حیات پر مبنی کتاب ششی کپور ٗدی ہاؤس ہولڈر بھی تحریر کرچکے ہیں۔عاصم کا پریانکا کی زندگی پر مبنی کتاب
کے حوالے سے کہنا تھا کہ اس میں پریانکا کی زندگی اور ان کے کیریئر کی داستان لکھی جائے گی ٗبریلی سے تعلق رکھنے والی ایک نوجوان لڑکی کیسے ایک انٹرنیشنل اسٹار بنی ٗگزشتہ سال سے میں ایسے بہت لوگوں سے رابطے میں ہوں جنہوں نے پریانکا چوپڑا کے ساتھ کام کیاتاہم اس کتاب کو پریانکا چوپڑا خود تحریر نہیں کررہی۔عاصم نے بتایا کہ اس کتاب میں پریانکا چوپڑا کی لو لائف کے حوالے سے کچھ بھی بتایا نہیں جائے گا۔ کتاب کی لانچ رواں سال متوقع ہے۔پریانکا نے شوبز میں اپنے کیریئر کا آغاز 2000 میں مس ورلڈ کا اعزاز جیت کر کیا ٗ اس وقت وہ صرف 18 سال کی تھیں۔اس کے بعد بولی وڈ میں انہوں نے فلم 2003 کی فلم ’دی ہیرو‘ کے ساتھ قدم رکھا۔ان کی کامیاب فلموں میں ’اعتراض‘، ’ڈان‘، ’کرش‘، ’فیشن‘، ’دوستانہ‘ اور ’باجی راؤ مستانی‘ شامل ہیں۔
