کراچی (نیوز ڈیسک) پاکستان تحریک انصاف کے چیئرمین عمران خان نے کہا ہے کہ عزیز آباد میں لوگوں نے زندگی بدلنی ہیں تو بلے پر مہر لگائیں، جب تک کراچی ٹھیک نہیں ہوگا پاکستان کو ٹھیک نہیں کیا جاسکتا، ایک نجی ٹی وی کو ایک انٹرویو میں عمران خان نے کہا الطاف حسین قتل کرانا چھوڑدیں تو انہیں بھائی مان لوں گا، جماعت اسلامی سمجھتی ہے کہ حلقہ این اے 246 میں وہ زیادہ مضبوط ہے، جماعت اسلامی ن لیگ کے ساتھ بیٹھنا چاہتی ہے تو بیٹھے، جماعت اسلامی واضح کرے کہ وہ کس طرف کھڑی ہے، انہوں نے کہا کہ کے پی کے میں جماعت اسلامی نے ساتھ چھوڑا تو ری الیکشن ہوگا۔ مزید برآں عمران خان نے پی سی بی میں تبدیلی کے خورشید شاہ کے مطالبے کی حمایت کرتے ہوئے کہا ہے کہ کرکٹ بورڈ کا چیئرمین وہی ہونا چاہیے جو کرکٹ جانتا ہو، لوگوں کو میرٹ پر نہ لایا گیا تو کرکٹ تباہ ہوجائے گی۔