لاہور (آن لائن) ٹریفک پولیس نے کم عمر ڈرائیورز کی روک تھام کے لیے قانون میں ترمیم کا فیصلہ کر لیا،بتایا گیا ہے کہ ڈرائیورز کے پکڑے جانے پر ان کے والد یا ورثاء کے خلاف مقدمہ درج کیا جائے گا۔ ڈپٹی انسپکٹر جنرل ٹریفک کو سمری بھجوا دی گئی۔تفصیلات کے مطابق وفاقی دارالحکومت میں کم عمر ڈرائیورز کے خلاف مہم کا سلسلہ جاری ہے۔ اس سلسلہ میں قانون میں ترمیم

کے لیے سمری اعلیٰ حکام کو بھجوا دی گئی۔سمری میں پیش کی گئی تجاویز کے مطابق جب بھی کم عمر ڈرائیورز کو پکڑا جائے گا تو اس کے ساتھ اس کے والد، بھائی یا دیگر قریبی عزیز کے خلاف بھی 109 کی مشاورت کا مقدمہ درج کیا جائے گا۔ اس کے علاوہ سکول یونیفارم میں کم عمر ڈرائیورز پکڑے جانے پر سکول یا تعلیمی ادارے کے خلاف قانونی کارروائی کی جائے گی۔