ممبئی( آن لائن) بالی ووڈ میں جنگلی بلی کے نام سے مشہوراداکارہ پریانکا چوپڑا ڈاکٹربن گئیں۔بالی ووڈ اداکارہ پریانکا چوپڑا کا شماران اداکاراؤں میں ہوتا ہے جنہوں نے نہ صرف بالی ووڈ میں کامیابی حاصل کی بلکہ ہالی ووڈ میں کامیابی کے جھنڈے بھی گاڑے اورخوب داد حاصل کی۔ پریانکا چوپڑا کے حصے میں مس ورلڈ، سماجی خدمات پر بین الاقوامی ایوارڈ، دنیا کی سب سے زیادہ آمدنی والی اداکاراؤں کی

فہرست میں شامل ہونے سمیت متعدد اعزازات ہیں۔ اداکارہ اب نئے اعزاز پر خوشی سے پھولے نہیں سمارہی ہیں۔ پریانکا کو بھارت کی بریلی انٹرنیشنل یونیورسٹی کی جانب سے ڈاکٹریٹ کی ڈگری سے نوازا گیا ہے۔ ڈاکٹریٹ کی ڈگری ملنے کے حوالے سے پریانکا کی والدہ کا کہنا ہے کہ مجھے بہت خوشی ہے کہ پریانکا کے سماجی خدمات کے حوالے سے کام کو خوب سراہا جارہا ہے اور بیٹی اس اعزاز کی حقدار ہے۔