میلبورن(سی پی پی)انگلش فاسٹ بائولر جیمز اینڈرسن کو ٹیسٹ میں سابق ویسٹ انڈین کپتان کرٹنی واش کی زیادہ وکٹوں کا ریکارڈ توڑنے کیلئے دو وکٹیں درکار ہیں۔ اس طرح وہ ٹیسٹ میں زیادہ وکٹیں لینے والے دنیا کے پانچویں بائولر بن جائیں گے۔ جیمز اینڈرسن اب تک 132 میچوں میں 518 وکٹیں حاصل کر چکے ہیں جبکہ ویسٹ انڈیز کے
سابق فاسٹ بائولر کرٹنی واش کی وکٹوں کی تعداد 519 ہے۔ توقع ہے کہ جیمز اینڈرسن ایشز سیریز کے چوتھے ٹیسٹ میچ میں کرٹنی واش کو پیچھے چھوڑتے ہوئے زیادہ وکٹیں لینے والوں کی فہرست میں پانچویں نمبر پر آجائیں گے۔ واضح رہے کہ ٹیسٹ میں سری لنکا کے سابق سپنر متایا مرلی دھرن 800 وکٹوں کے ساتھ سرفہرست ہیں۔
