پشاور(مانیٹرنگ ڈیسک) جماعت اسلامی خیبرپختونخوانے پشاور میں بائیس دسمبر کو امریکی قونصلیٹ کے سامنے حتجاج اور گھیراوں کااعلان کردیا۔جماعت اسلامی خیبرپختونخوا کے امیر مشتاق احمد نے پریس کانفرنس کرتے ہوئے کہا کہ بیت المقدس پوری امت کے لئے دل کی حیثیت رکھتا ہے۔امریکی صدر کا اعلان امت مسلمہ کے خلاف اعلان جنگ ہے۔ انہوں نے کہا کہ بائیس دسمبرکو
پشاور میں امریکی قونصلیٹ کے سامنے حتجاج اور گھیراو کیا جائے گا ۔ صوبائی امیر نے امریکی قونصلیٹ کے راستے بند کرنے کی مذمت کرتے ہوئے خبردار کیا کہ انکے لیے راستے بند کرنا آگ سے کھیلنا ہوگا۔ انکا کہنا تھا کہ امریکیوں کو تحفظ دینا امریکہ کا ساتھ دینے کے مترادف ہوگا۔امیر جماعت اسلامی مشتاق احمد کا کہنا تھا کہ سفارتی تعلقات ختم کرکے معاشی بائیکاٹ کیا جائے۔
