اسلام آباد (مانیٹرنگ ڈیسک) بیٹے کی شہادت پر فخر ہے، پاک وطن پر جان قربان کر کے ہمارا سر فخر سے بلند کر دیا، شمالی وزیرستان میں جام شہادت نوش کرنے والے پاک فوج کے سیکنڈ لیفٹیننٹ21سالہ عبدالمعید کے والدین کا بیٹے کی شہادت پر قابل رشک و تقلید بیان سامنے آگیا۔ تفصیلات کے مطابق لی وزیرستان میں جام شہادت نوش کرنے والے پاک فوج کے سیکنڈ لیفٹیننٹ21سالہ عبدالمعید کے والدین کا بیٹے کی شہادت پر کہنا ہے کہ ہمیں اپنے بیٹے کی شہادت پر فخر ہے جس نے

پاک وطن پر جان قربان کر کے ہمارے سر فخر سے بلند کر دئیے ہیں۔ سیکنڈ لیفٹیننٹ عبدالمعید کے والد کا کہنا تھا کہ شہید کو بچپن سے ہی پاک فوج میں جانے کا شوق تھا وہ بہن بھائیوں میں سب سے بڑے تھے ۔ شہید عبدالمعید کے چھوٹے بھائی نے بتایا کہ بھائی اکثر فون کیا کرتے تھے اور جب بھی ان سے فون پر بات ہوتی تھی تو وہ محنت کرنے کی نصیحت کرتے ۔ ان کے چھوٹے بھائی کا کہنا تھا کہ ہمارے بھائی نے شہادت کا جام پی کر عظیم رتبہ حاصل کیا ہے ہمیں اپنے بھائی پر فخر ہے۔