اسلام آباد(سی پی پی )وفاقی دارالحکومت کے تھانہ سیکرٹریٹ کے علاقے میں 2 گروپوں میں فائرنگ سے 3 افراد ہلاک ہوگئے،لاشوں کو پولی کلینک ہسپتال منتقل کردیا گیا۔ تفصیلات کے مطابق اسلام آباد میں تھانہ سیکرٹریٹ کے علاقے میں 2 گروپوں میں فائرنگ کے نتیجے میں 3 افراد جاں بحق ہوگئے۔ پولیس کے مطابق کھیتوں میں بکریاں چرانے پر جھگڑا ہوا اور اس دوران دونوں گروپوں نے ایک

دوسرے پر فائرنگ کردی۔لاشوں کو پولی کلینک اسپتال منتقل کردیا گیا ہے ۔پولیس نے بتایا کہ فائرنگ کرنے والے ایک ملزم ذیشان کو زخمی حالت میں گرفتار کرلیا گیا ہے۔ ہلاک ہونے والوں میں میاں بیوی بھی شامل ہیں۔ عالم خان اور اس کی اہلیہ کی لاشیں گاڑی سے ملیں اور عالم خان کا تعلق وزیرستان سے ہے، جبکہ مخالف پارٹی کے ہلاک شخص کی شناخت مسکین کے نام سے ہوئی۔