کراچی (سی پی پی )پاک سرزمین پارٹی کی گود بھرائی تیزی سے جاری ہے، ایم کیو ایم سے ناراض رہنماء مصطفی کمال کی چھتری تلے جمع ہونا شروع ہوگئے ہیں، سلمان مجاہد بلوچ کے بعد متحدہ پاکستان کی ناراض رکن قومی اسمبلی ڈاکٹر فوزیہ بھی پی ایس پی میں شمولیت کے لئے پر تولنے لگ گئی ہیں۔جمعہ کو نجی ٹی وی کے مطابق رکن قومی اسمبلی ڈاکٹر فوزیہ متحدہ پاکستان سے شدید نالاں تھیں اور مصطفی کمال کے ساتھ ان کے
اختلافات عروج پر تھے اور اب انہوں نے مصطفی کمال کی پاک سرزمین پارٹی میں شمولیت کے لئے پر تولنا شروع کردئیے ہیں۔ انہوں نے پی ایس پی کے رہنما?ں سے رابطے بھی کئے ہیں اور جلد ہی وہ پاک سرزمین پارٹی میں شمولیت کا اعلان کریں گے۔ واضح رہے کہ آج شام مصطفی کمال کے ہمراہ پریس کانفرنس کے دوران متحدہ پاکستان کے ممبر قومی اسمبلی سلمان مجاہد بلوچ نے پی ایس پی میں شمولیت کا اعلان کیا تھا۔
