ممبئی(نیوز ڈیسک) بالی وڈ اداکار و فلمساز کمل ہاسن نے کہا کہ اداکار ‘ پروڈیوسرز اور ہدایتکاروں کو فلم نگری میں اپنی مرضی کا کام کرنے کی آزادی حاصل نہیں ہے بھارتی ذرائع ابلاغ کے مطابق بالی وڈ اداکار و فلمساز کمل ہاسن جن کی فلم ”وشوریم ۔ٹو“ پر سنسر بورڈ نے پابندی لگائی تھی دوسری فلم ”اوتاما ولن“ پر بھی پابندی لگادی گئی تھی بعد ازاں فلم کو سنسر بورڈ نے نمائش کی اجازت دی ۔ فلم کے حوالے سے ہی پریس کانفرنس میں بات کرتے ہوئے انھوں نے کہا کہ فلم نگری میں ہدایتکاروں پروڈسروں اور اداکاروں کو اپنی مرضی کا کام کرنے کی اجازت نہیں جو کہ افسوسناک بات ہے ان کے لئے قاعدے قوانین سنسر بورڈ نافذ کرتا ہے فلم کی شاندار نمائش جاری ہے۔