اسلام آباد(مانیٹرنگ ڈیسک)جس نے نواز شریف کو ووٹ دیا اس کو ’’رن طلاق‘‘، لال حویلی کی قریبی مسجد کے اماموں نے فتویٰ جاری کر دیا، شیخ رشید لائیو شو میں راولپنڈی میں مذہبی حلقوں میں ن لیگ کی مقبولیت کے حوالے سے دلچسپ صورتحال سامنے لے آئے۔ تفصیلات کے مطابق نجی ٹی وی دنیا نیوز کےپروگرام میں گفتگو کرتے ہوئے عوامی مسلم لیگ کے سربراہ شیخ رشید نے ن لیگ کی ختم نبوتؐ معاملے کے بعد پیدا ہونیوالی صورتحال کے بعد راولپنڈی میں ن لیگ کی
مذہبی حلقوں میں گرتی ہوئی مقبولیت کا انکشاف کرتے ہوئے بتایا ہے کہ ن لیگ کی ختم نبوتؐ کے معاملے کے بعد مقبولیت کا اندازہ اس بات سے لگا لیں کہ راولپنڈی بوہڑ بازار/لال حویلی کے قرب و جوار کی مسجدوں کے اماموں نے فتویٰ جاری کرتے ہوئے کہا ہے کہ جس نےعام انتخابات 2018میں نواز شریف کو ووٹ دیا اس کو ’’رن طلاق‘‘ ہے۔ شیخ رشید کا کہنا تھا کہ نواز شریف نجی محافل میں یہ شکوہ کرتے ہیں کہ مجھے افسوس ہے کہ جنرل قمر باجوہ بھی میرے نہ بن سکے۔
