اسلام آباد (مانیٹرنگ ڈیسک) پاکستان مسلم لیگ (ق) کے رہنما اور سابق وزیراعظم چوہدری شجاعت حسین نے کہا ہے کہ موجودہ صورتحال کو سنجیدگی سے کنٹرول نہ کیا گیا تو یہ ہنگامہ آرائی کسی بڑے سانحے میں تبدیل ہو سکتی ہے۔ایک بیان میں انہوں نے کہاکہ وزیراعظم کو دھرنے کے موقع پر خود پہنچ کر علماء اکرام سے مذاکرات کرنے چاہیے۔واضح رہے کہ فیض آباد انٹر چینج پر مذہبی جماعت کے دھرنے کے مظاہرین کیخلاف آپریشن کے دوران زخمی ہونے والے ایک

سو سے زائد افراد کو پمز منتقل کر دیا گیا ۔ ہفتہ کو ایڈمنسٹریٹر پمز ڈاکٹر الطاف حسین نے بتایا کہ پولیس اور ایف سی اہلکاروں کے ساتھ عام افراد بھی مظاہرین کے پتھراؤ سے زخمی ہوئے ٗ انہوں نے کہا کہ 18زخمیوں کو ابتدائی ضروری طبی امداد کے بعد ہسپتال سے ڈسچارج کر دیا گیا ہے ٗ تمام زخمیوں کی حالت بہتر ہے ۔ تین زخمی ہونے والے افراد کو پولی کلینک ہسپتال ، 14زخمیوں کو بینظیر ہسپتال راولپنڈی ، اور تین زخمیوں کو ہولی فیملی ہسپتال راولپنڈی منتقل کیا گیا ہے۔

موضوعات:چوہدری شجاعت حسین