اسلام آباد(نیوز ڈیسک) ماڈل ایان علی منی لانڈرنگ کیس کے بعد ادکاروں کے خلاف منی لانڈرنگ کی تحقیقات نے نیا رخ اختیار کر لیا ہے‘ ماڈل ایان علی‘ اداکارہ نیلی کے بعد نجی ٹی وی چینل پراگرام کی میزبان صبا قمر کے خلاف بھی مبینہ طور پر منی لانڈرنگ کی تحقیقات شروع کر دی گئی ہیں‘ ایف آئی اے اس سلسلے میں تحقیقات کر رہی ہے کہ صبا قمر نے گزشتہ 2 سالوں میں لاتعدادغیر ملکی دور کئے ہیں وہ اس دوران منی لانڈرنگ میں مبینہ طور پر ملوث ہیں‘ آن لائن کے مطابق صبا قمر نیشنل بینک آف پاکستان کی ویلفیئر ایمبیسڈر بھی ہیں‘ مقامی اخبار کا کہنا ہے کہ صبا قمر نے لاتعداد غیر ملکی دورے کئے ہیں جس کو شک کی نگاہ سے دیکھا جا رہا ہے‘ ایف ائی آے کے قریبی ذرائع کا کہنا ہے کہ صبا قمر مبینہ طور پر منی لانڈرنگ میں ملوث ہیں اس لئے ان کے خلاف تحقیقات کی جا رہی ہیں۔