کراچی ( نیوز ڈیسک) کراچی میں جلسے کی تیاریوں کے دوران تحریک انصاف کے کارکن جوش میں ایک دوسرے سے ہی الجھ پڑے۔ انتظامیہ نے سٹیج پر جانے سے روکا تو جھگڑا ہو گیا۔ پی ٹی ا ئی کے مقامی صدر کیخلاف گو گو کے نعرے بھی لگ گئے۔ کراچی کی شارع پاکستان پر کپتان کے استقبال کی تیاریاں جاری تھیں کہ کچھ کارکنوں نے سٹیج پر چڑھنے کی کوشش کی۔ انتظامیہ نے روکا تو بدنظمی ہو گئی اور کارکن اپس میں ہی الجھ پڑے۔ اسی دوران پی ٹی ائی کے کارکن رکاوٹیں توڑنے ہوئے سٹیج پر پہنچ گئے۔ صورتحال پر قابو پانے کیلئے پولیس نے لاٹھی چارج بھی کیا۔ ناراض پی ٹی ائی کارکن اپنے ہی مقامی صدر علی زیدی کے کے خلاف نعرے بھی لگاتے رہے۔