گوجرانوالہ ( نیوز ڈیسک)گوجرانوالہ میں ا ندھی اور بارش کے باعث دو مکانوں کی چھتیں گرنے سے چار بچوں سمیت چھ افراد جاں بحق اور دو زخمی ہوگئے۔طوفانی اندھی اور تیز بارش کے باعث گکھڑ کے علاقہ نت کلاں روڈ صابری ٹاؤن میں بوسیدہ مکان کی چھت گرنے سے ملبے تلے دب کر میاں بیوی اور تین کمسن بچیاں جاں بحق ہوگئیں۔ علاقہ میں بجلی کی بندش کے باعث ریسکیو عملہ کو امدادی کارروائیوں میں سخت مشکلات کا سامنا کرنا پڑا ، دوسری طرف ظفر کالونی گرڈ سٹیشن میں بھی بوسیدہ چھت گرنے سے تین سالہ بچہ جاں بحق ہوگیا، پولیس نے موقع پر پہنچ کر کارروائی شروع کر دی۔