اسلام آباد،لندن(آن لائن،اے این این) قومی احتساب بیورو نے وزیر خزانہ سینیٹر اسحق ڈار کیخلاف آمدن سے زائد اثاثوں کے ریفرنس میں گھیرا مزید تنگ کردیا ہے۔ نیب کے ذرایع کا کہنا ہے کہ وٰزیر خزانہ اسحق ڈار اور اہل خانہ کے متحدہ عرب امارات یو اے ای میں اثاثوں کو منجمد کرنے کے عدالتی حکم پر کام شروع کر دیا گیا ہے اور چیئرمین نیب کی منظوری کے بعد نیب یو اے ای حکومت سے رابطہ کرئے گا ، نیب یو اے ای
حکومت کو احتساب عدالت کے حکم نامہ سے بھی آگاہ کرئے گا اور اسی حکم نامے کے تحت یو اے ای سے قانونی مدد بھی مانگی جائے گی زرایع نے بتایا کہ یو اے ای میں اسحق ڈار اور اہل خانہ کے مزید اثاثوں کی چھان بین کی جائے گی اوراسحق ڈار کے بچوں اور بے نامی جائیدا د پر یو اے ای حکومت سے تعاون کرنے کی درخواست کی جائے گی ،واضح رہے کہاحتساب عدالت نے اسحق ڈار اور اہل خانہ کیدبئی میں اثاثے منجمند کرنے کے نیب فیصلے کی توثیق کر رکھی ہے اور وزیر خزانہ اسحاق ڈار ان دنوں لندن کے ایک ہسپتال میں زیر علاج ہین جہاں ان کی انجیو پلاسٹی متوقع ہے مگر نیب ان کے خلاف متحرک ہے۔دریں اثناء دل کے عارضے میں مبتلا وزیر خزانہ اسحاق ڈار کو ڈاکٹروں نے ڈسچارج کردیا ۔ نجی ٹی وی کے مطابق اسحاق ڈار دل کے عارضے میں مبتلا ہو کر لندن کے ہسپتال میں زیر علاج تھے جہاں ڈاکٹروں نے اب انہیں ڈسچارج کردیا ہے ۔ڈاکٹروں نے اسحاق ڈار کو مکمل آرام کا مشورہ دیتے ہوئے معائنے کے لیے ا گلے ہفتے پھر بلا یا ۔ادھر سپیکر قومی اسمبلی نے بھی میڈ یا سے گفتگو کرتے ہوئے بتا یا تھا کہ اسحاق ڈار کی طبیعت نا ساز ہے اور انہیں لندن کے ہسپتال میں سٹنٹ بھی ڈالے گئے ہیں ۔
