اسلام آباد(نیوزڈیسک) چین کے صدر شی جن پنگ 2 روزہ سرکاری دورے پر پاکستان پہنچنے پر شاندار استقبال کےلئے تمام تر تیاریاں مکمل کر لی گئی ہیں ¾ شاہراہوں کو پاک چین دوستی کے بڑے بڑے ہورڈنگ سے سجادیا گیا۔اسلام آباد کی انتظامیہ نے چینی صدر کی پاکستان میں موجودگی کے دوران وفاقی دارالحکومت میں بھاری ٹریفک کا داخلہ بند کر دیا۔ایئرپورٹ روڈ کو بھی دو روز کےلئے چھ گھنٹے تک بند رکھا جائےگا۔تفصیلات کے مطابق چین کے صدر شی جن پنگ تاریخی ساز دورے پر پیر کو اسلام آباد پہنچیں گے اس سلسلے میں ان کے پر تپاک استقبال کی تیاریاں مکمل کر لی گئیں وفاقی دارالحکومت کی شاہراہوں کو پاک چین دوستی کے بڑے بڑے ہورڈنگ سے سجایا گیا۔ جی ٹی روڈ، موٹر وے اور مری روڈ کو رات 12 بجے سے بند کر نے کا فیصلہ کرتے ہوئے کہا گیا کہ 20 اور 21 اپریل کو ایئرپورٹ روڈ صبح 8 بجے سے دوپرہ 2 بجے تک بند رہے گی، چین کے صدر کے دورے کے حوالے سے سیکیورٹی کے بھی انتہائی سخت انتظامات کئے گئے ہیں، چین کے صدرکوایوان صدر میں خصوصی تقریب کے دوران پاکستان کاسب سے بڑا سول اعزاز ’نشان پاکستان‘ عطا کیا جائےگا۔چینی صدرکا یہ رواں سال کاپہلا غیر ملکی دورہ ہوگا ۔ ان کے ہمراہ خاتون اول، وزرا، کمیونسٹ پارٹی کے رہنما، اعلیٰ سرکاری حکام اورسرمایہ کارکمپنیوں کے سربراہان بھی ہوں گے، صدرممنون حسین کی جانب سے چین کے ہم منصب کے اعزازمیں ظہرانہ دیا جائےگا جس کے بعد چین کے صدر اور وزیراعظم نوازشریف باضابطہ مذاکرات کریں گے، اس کے علاوہ چین کے صدر شی جن پنگ پارلیمنٹ کے مشترکہ اجلاس سے بھی خطاب کریں گے۔چین کے صدر سے چیئرمین جوائنٹ چیفس آ ف اسٹاف کمیٹی جنرل راشد محمود،آرمی چیف جنرل راحیل شریف، ایئرچیف مارشل سہیل امان اورنیول چیف ایڈمرل ذکا اللہ سے بھی ملاقات کریں گے، پاکستان تحریک انصاف کے چیرمین عمران خان، شاہ محمومد قریشی اور چوہدری برادران بھی چین کے صدر سے ملاقات کریں گے۔ خصوصی دعوت ناموں کے علاوہ کسی بھی شخص، صحافی، سفارت کار اور بیوروکریٹس کو پارلیمنٹ ہاوس میں آنے کی اجازت نہیں ہوگی۔دوسری جانب اسلام آباد کی انتظامیہ نے بتایا کہ درالحکومت میں واقع تمام ہوٹل،ریستوران، شادی ہالزمعمول کے مطابق کھلے رہیں گے اورتجارتی سرگرمیاں، تقریبات اوردیگرامورمعمولات کے مطابق جاری رہیں گی، وزارت خارجہ ،اطلاعات ونشریات،داخلہ، خزانہ،منصوبہ بندی، پانی وبجلی اور پٹرولیم وقدرتی وسائل کے افسران کی چھٹیوں کے ساتھ قومی اسمبلی سیکرٹریٹ اورسینیٹ افسران اورمتعلقہ اہلکاروں کی بھی چھٹیاں منسوخ کردی گئی ہیں۔
چینی صدر کی آمد،اسلام آباد کی شاہراہوں کو سجادیا گیا، سکیورٹی ہائی الرٹ
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
تعلیمی ادارے 20 سے 25 نومبر تک بند رکھنے کا اعلان
-
حکومت نے پیٹرول اور ڈیزل کی نئی قیمتوں کا اعلان کردیا
-
سرکاری ملازمین کیلیے بڑی خوشخبری، حکومت کا اہم فیصلہ
-
’اداکارہ کو سلمان خان سے بچانا تھا‘: ایشوریا رائے کے سابق باڈی گارڈ کا حیران کن بیان
-
پی ایس او نے ایل پی جی کی فی کلو قیمت مقرر کردی
-
سونے کی فی تولہ قیمت میں آج بھی بڑی کمی
-
بوسنیا میں چار دن
-
سونے کی قیمت میں آج بھی 15 ہزار روپے سے زائد کی کمی آگئی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سابق وفاقی وزیر کو بے دردی سے قتل کردیا گیا
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
پنجاب میں سرکاری گندم کی قیمت مقرر
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
غیر ملکیوں کا ڈیٹا لیک کرنے کے ملزم نے گلا کاٹ لیا



















































