اسلام آباد(مانیٹرنگ ڈیسک) وفاقی وزیر موسمیاتی تبدیلی مشاہد اللہ خان نے کہا ہے کہ نوازشریف کو ذاتی انتقام کا نشانہ بنایا جارہا ہے، جو لوگ آج شادیانے بجارہے ہیں کل انھیں شام غریباں منانی پڑے گی،پیپلزپارٹی اور کرپشن ایک دوسرے کاحصہ ہیں، نوازشریف نے ملک کو بنایا ہے آصف زرداری تو لاڑکانہ کو نہیں بناسکے ، نوازشریف اور ان کا خاندان انصاف کی تلاش میں مارامارا پھر رہا ہے۔جمعرات کو پارلیمنٹ ہاؤس کے باہرمیڈیا سے گفتگوکرتے ہوئے مشاہد اللہ خان نے کہا کہ نوازشریف کو ذاتی انتقام کا نشانہ بنایا جارہا ہے،جو لوگ آج شادیانے بجا رہے ہیں کل انھیں شام غریبا

منانی پڑے گی، نوازشریف سب سے طاقتور سیاسی لیڈر ہے، اس نے جی ٹی روڈ پر بھی ثابت کردیا ،انھوں نے کہا پیپلزپارٹی اور کرپشن ایک دوسرے کا حصہ ہے، آصٖف زرداری کا نام آتے ہی پہلا خیال کیا آتا ہے ایک روپیہ حلال کا ان کے پاس نہیں ہوگا۔ آصف زرداری زرداری کا سوتیلا بھائیٹپی کیوں بھاگا ہوا ہے، انھوں نے کہا کہ نوازشریف نے ملک کا بنایا ہے آصف زرداری تو لاڑکانہ کو نہیں بناسکے، انھوں نے سندھ کو تباہ کردیا ہے،نوازشریف کو ملک کا کاروبار بحال کرنے کی سزا مل رہی ہے،نوازشریف اوران کا خاندان انصاف کی تلاش میں مارا مارا پھر رہا ہے۔