خیبر ایجنسی (نیوز ڈیسک) وادی تیراہ میں سیکیورٹی فورسز سے جھڑپ کے دوران 3 دہشت گرد ہلاک جبکہ 3 اہلکار زخمی ہوگئے۔ خیبر ایجنسی کی وادی تیراہ کیعلاقے نیرے بابا میں سیکیورٹی فورسز اور دہشت گردوں کے درمیان جھڑپ ہوئی جس کے دوران 3 دہشت گرد ہلاک ہوگئے، جھڑپ میں 3 سیکیورٹی اہلکار زخمی ہوگئے جنہیں سی ایم ایچ پشاور منتقل کردیا گیا ہے جہاں انہیں طبی امداد فراہم کی جارہی ہے۔واضح رہے کہ شمالی وزیرستان کی طرح خیبر ایجنسی میں بھی دہشت گردوں کے خلاف آپریشن جاری ہے جس میں اب تک درجنوں دہشت گردوں کو ان کے انجام تک پہنچایا گیا ہے۔