ممبئی (این این آئی)بالی ووڈ کے ایکشن ہیرو  ریتھک روشن ایک بار پھر سپر ہیرو کے روپ میں اپنے نظر آئیں گے ٗکرش سلسلے کی چوتھی فلم ’ ’کرش فور ‘کی شوٹنگ کا آغاز آئندہ برس کیا جائیگا۔بھارتی میڈیا رپورٹ کے مطابق بالی ووڈ کی سائنس فکشن فلم ’کرش ‘

کی چوتھی کڑی کی شوٹنگ کا آغاز 2018ء کے آخر میں کیا جائیگا جبکہ فلم 2019ء میں ریلیز کی جائیگی۔ریتھک روشن کے والد راکیش روشن کی ہدایت کاری میں بننے والی فلم ’ کرش فور‘ 2006ء میں فلم بینوں کا دل لوٹنے والی کرش کے سلسلے کی چوتھی مووی ہے ۔ریتھک روش گزشتہ 3 فلموں کی طرح اس بار بھی سپر ہیرو کے مرکزی کردار میں نظر آئیں گے ،

جس کی ہیروئن کا تاحال فیصلہ نہیں کیا ۔میڈیا رپورٹس کے مطابق کرش کے نئے سلسلے کے لئے کترینہ کیف کے انتخاب کی خبریں گردش میں تھی لیکن بالی ووڈ کی بار بی ڈول نے اس طرح کی افواہوں کی تردید کردی ہے ۔ریتھک روشن ان دنوں اپنی ’ سپر 30‘ کی تیاریوں میں مصروف ہیں ،بائیو پک میں وہ ریاضی دان کے روپ میں نظر آئیں گے۔