واشنگٹن(نیوز ڈیسک)ایک امریکی تھنک ٹینک نے دعویٰ کیا ہے کہ آرمی چیف جنرل راحیل شریف بہت جلد سعودی عرب کا دورہ کریں گے اور ریاض میں سعودی اعلیٰ حکام سے یمن کی صورتحال پر تبادلہ خیال کریں گے۔امریکی تھنک ٹینک McClathyDCنے دعویٰ کیا ہے کہ پاک فوج سعودی عرب میں اپنے فوجی دستے بھیجنے سے گریزاں ہے اور آرمی چیف نے حال ہی میں وزیراعظم نواز شریف کو فوجی دستوں کی ’عدم دستیابی‘اور کمی کے حوالے سے بھی بریف کیا ہے۔تھنک ٹینک کا یہ دعویٰ بھی ہے کہ آرمی چیف بہت جلد سعودی عرب کے دورے پر روانہ ہوں گے جہاں وہ سعودی حکام سے ملاقات کریں گے اور ان سے خطے کی سیکیورٹی پر تبادلہ خیال کریں گے۔