دبئی (مانیٹرنگ ڈیسک)پاکستان کرکٹ ٹیم کے ٹاپ آرڈر بلے باز بابراعظم اگرچہ تاحال ٹیسٹ میں اپنی صلاحیتوں کا لوہانہیں منواسکے ہیں تاہم ون ڈے کرکٹ میں ان کا طوطی بول رہاہے۔بابراعظم نے سری لنکا کے خلاف دبئی میں کھیلے گئے پہلے ون ڈے انٹرنیشنل میچ میں سنچری اسکورکی جو 30ستمبر2016 سے ان کی چھٹی ون ڈے سنچری ہے جو اس عرصے میں محض ڈیوڈوارنر کے بعد کسی بھی بلے باز کی دوسری زیادہ

سنچریاں ہیں۔اس عرصے میں زیادہ ون ڈے سنچریوں کی دوڑمیں بابراعظم نے ویرات کوہلی کو بھی پیچھے چھوڑ دیاہے۔بھارتی بلے باز اس عرصے میں پانچ سنچریاں بناسکاہے۔بابراعظم نے اس عرصے میں 17میچوں میں چھ سنچریاں اسکورکی ہیں جبکہ ویرات کوہلی گیارہ زائد(28)میچز کھیل کر بھی ایک سنچری پیچھے رہاہے۔اس عرصے میں سے سب سے زیادہ سات سنچریاں اسکور کرنے والے ڈیوڈوارنر نے بابراعظم کے مقابلے میں چار زائد ون ڈے میچز کھیلے ہیں۔

موضوعات:بابراعظم