اسلام آباد(نیوز ڈیسک)امریکا کے صدر براک اوباما نے سعودی عرب فرمانروا شاہ سلمان بن عبدالعزیز کو یقین دلایا ہے کہ واشنگٹن، سعودی عرب کی سیکیورٹی کا اہتمام کرتا رہے گا۔اس امر کا اظہار صدر اوباما نے ٹیلی فون پر خادم الحرمین الشریفین سے یمن، علاقائی اور عالمی صورتحال پر تبادلہ خیال کرتے ہوئے کیا۔خادم الحرمین الشریفین نے چین کے صدر ڑی جن پنگ سے بھی ٹیلی فون پر بات کی۔ ٹیلی فونک رابطے میں دونوں دوست ملکو ں کے باہمی تعلقات پر تبادلہ خیال کیا گیا۔ اس موقع پر دونوں رہنماوں نے علاقائی اور عالمی صورتحال پربھی تبادلہ خیال کیا۔