اسلام آباد(مانیٹرنگ ڈیسک)سابق وزیر اعظم اور مسلم لیگ ن کے صدر نواز شریف نے اپنی ہی جماعت کو اختلافات سے بچانے کے لئے رہنماؤں کے مشورے پر عمل کرنے سے انکار کر دیا ،اطلاعات کے مطابق نواز شریف نے ان رہنماؤں کے کہنے پر پہلے ہی اپنے مشیروں کو تبدیل کرنے سے صاف انکار کردیا تھا۔
سابق وفاقی وزیر داخلہ اور پارٹی کے سینئر رہنما چوہدری نثار اوروزیر اعلیٰ پنجاب شہباز شریف نے نواز شریف سے مشیر تبدیل کرنے کا مشورہ کیاتھا لیکن نواز شریف نے ان کے مشوروں پر عمل کرنے سے انکار کر دیا ۔ تاہم نواز شریف نے چوہدری نثار کے کچھ مطالبات مانے ہیں لیکن ان کے کہنے پر پارٹی عہدداروں اور وفاقی کابینہ میں تبدیلی کرنے کو کسی صورت تیار نہیں ہیں۔واضح رہے کہ شہبازشریف پارٹی کنونشنز میں اس بات کا کھلے عام اعلان کرچکےہیں کہ نوازشریف کو اس حالات پر پہنچانے میں پارٹی کے ہی کچھ مشیروں کا ہاتھ ہے جنہوں نے صرف پروٹوکول اور گاڑیوں کو ہی فوقیت دی۔
