اسلام آباد (مانیٹرنگ ڈیسک) پاکستان کرکٹ ٹیم کے کھلاڑی بابراعظم کا کارنامہ، تفصیلات کے مطابق دبئی میں کھیلے جانے والے پہلے ون ڈے کرکٹ میچ میں بابر اعظم نے 103 رنز سکور کرکے اپنے کیرئیر کی چھٹی سنچری بنا ڈالی، اس طرح پاکستان کے بابر اعظم کم سے کم اننگز میں چھ سنچریاں سکور کرنے والے بیٹسمینوں کی فہرست میں دوسرے نمبر پر آ گئے ہیں۔ پاکستانی بیٹسمین بابراعظم نے سری لنکا کے خلاف کھیلے جانے والے ون ڈے کرکٹ میچ میں

131 گیندوں کا سامنا کرتے ہوئے 5 چوکوں کی مدد سے 103 رنز سکور کیے، یہ بابراعظم کی اپنے مختصر کیرئیر میں چھٹی سنچری تھی۔ اس سنچری کے بعد وہ کم سے کم اننگز میں سنچری کرنے والے بلے بازوں کی فہرست میں دوسرے نمبر پر برا جمان ہو گئے ہیں۔ واضح رہے کہ پاکستان کے کھلاڑی بابراعظم نے 35 ایک روزہ میچوں میں 6 سنچریاں بنائی ہیں، اس فہرست میں سری لنکا کے تھرنگا پہلے نمبر پر ہیں جنہوں نے 31 میچ کھیل کر 6 سنچریاں بنائی ہیں۔