ڈھاکہ ( مانیٹرنگ ڈیسک)دسویں ایشیا کپ ہاکی ٹورنامنٹ کے دوسرے میچ میں پاکستان اور جاپان کا میچ دو ، دو گول سے برابر رہا ۔پہلے کوارٹر میں دونوں ٹیموں نے دفاعی انداز اپنایا۔دوسرا کوارٹر شروع ہوا تو پاکستان نے جارحانہ انداز اپنایا اور آغاز میں ہی ملنے والے پنالٹی کارنر کو ارسلان قادر نے گول میں تبدیل کردیا، جس کا جواب جاپان نے بھر پور انداز میں دیا اورلگاتار دو گول کرکے نہ صرف برتری کا خاتمہ کیا بلکہ ایک گول کی

سبقت بھی حاصل کرلی، تینوں گول دوسرے کواٹر میں ہوئے۔تیسرا کوارٹرمیں بھی دونوں ٹیمیں گول کرنے میں ناکام رہیں۔ ۔کھیل کے پچاسویں منٹ میں پاکستان نے جاپان کے گول پوسٹ پر زبردست حملہ کیا جس کو عمر بھٹہ نے گیند جال میں پھینک کر کامیاب بنایا اور مقابلہ دو دو گول سے برابر کردیا اور اسی اسکور پر میچ کا مقررہ وقت ختم ہوگیا اور دونوں ٹیموں کو ایک ایک پوائنٹ ملا۔  پاکستان اپنا تیسرا میچ اتوار کو روایتی حریف بھارت کے خلاف کھیلے گا۔

موضوعات:ہاکی ٹورنامنٹ