اسلام آباد(نیوزڈیسک )کراچی کے حلقہ 246 میں سیاسی جماعتوں کی انتخابی مہم کا سلسلہ جاری ہے۔ جماعت اسلامی نے ایک طرف خواتین کے جلسے کا اہتمام کیا تو دوسری جانب تحریک انصاف کے امیدوار نماز جمعہ کی ادائیگی کیلئے عزیز آباد میں واقع مدنی مسجد پہنچ گئے۔دوسری طرف امیر جماعت اسلامی کراچی نعیم الرحمن کا کہنا ہے کہ جماعت اسلامی کا امیدوار تحریک انصاف کے حق میں دستبردار نہیں ہوگا۔ تحریک انصاف کے امیدوار عمران اسماعیل کا کہنا ہے کہ پی ٹی آئی کے امیدوار کا جماعت اسلامی کے حق میں بیٹھنے کا سوال ہی پیدا نہیں ہوتا۔