کراچی(نیوز ڈیسک) معروف اداکارہ زیبا بختیار نے کہا جدید دور کا تقاضہ ہے کہ ہمیں نئے آنے والوں کے لئے جگہ چھوڑ نا ہوگی۔ معیاری کام اپنی جگہ خود بناتا ہے ، ذاتی طور پر اداکاری کرنے کا اب میرا شوق ختم ہوتا جارہا ہے۔ اداکاری بہت کر لی پروڈکشن پر توجہ دینے کے لئے حکمت عملی ترتیب دی ہے۔
میڈیا سے گفتگو میں انہوں نے کہا کہ اب میں اکیلی نہیں ہوں اپنے بیٹے کے ساتھ نئے آنیوالے پراجیکٹس پر بات چیت ہوتی رہتی ہے اور میں اس سے بھی کچھ نیا سیکھنے کی کوشش کرتی ہوں کیونکہ آج کا نوجوان بہت باصلاحیت ہے وہ ہر میدان میں اپنی صلاحیتیں دکھا رہا ہے ، آج جو فلم انڈسٹری میں ترقی ہوئی ہے وہ نوجوانوں کی ہی بدولت ہے۔ اذان نے ثابت کیا کہ ٹیلنٹ کسی سفارش کا محتاج نہیں ہوتا۔ اپنے نئے پراجیکٹ پر وہ کام کرنے میں مصروف ہے ،انہوں نے مزید کہا کہ فلم آپریشن 021 کے ذریعے ایک پیغام دیا تھا جس کے اثرات افغانستان و پاکستان کے بہتر تعلقات کی صورت میں سامنے آرہے ہیں۔