ممبئی(این این آئی) بالی ووڈ کے نواب سیف علی خان کی فلم ’’شیف‘‘ باکس افس پربزنس کرنے میں یکسر ناکام ہو گئی ،فلم کا ابتدائی دو رروز نے صرف دو کروڑ کمائے۔میڈیا رپورٹ کے مطابق بالی ووڈ نو اب سیف علی خان کی 30 کروڑ روپے کے بجٹ سے بننے والی فلم ’’ شیف‘‘ مداحوں کو بالکل بھی متاثر نہ کر سکی اور بر ی طرح ناکام رہی ،فلم ’’شیف‘‘6 اکتوبر کو سینما گھروں
کی زینت بنی تاہم اہم بات یہ ہے کہ سیف علی خان کی یہ مسلسل چھٹی فلم ہے جو باکس آفس پر فلاپ رہی ہے۔سیف علی خان کی آخری کامیاب فلم ’’ریس 2‘‘تھی جو 2013میں ریلیز ہوئی تھی،اس کے بعد ان کی آنے والی فلموں میں ’’گوگواگون‘‘،’’بلٹ راجہ‘‘،’’ہم شکلز‘‘،’’ہیپی اینڈنگ‘‘،’’ڈولی کی ڈولی ‘‘،’’فنٹیم ‘‘اور رنگون شامل ہیں جو سب ہی ایک اچھا بزنس کرنے میں
ناکام رہی ۔چھوٹے نواب اس بات کا عندیہ پہلے ہی دے چکے ہیں کہ اگر ان کی ’’شیف‘‘ناکام ہوتی ہے تو ان کو سوچناپڑے گا کہ وہ اپنے کیرئیر میں کہاں غلطی کر رہے ہیں۔ریس فرنچائزسے بھی ان کوفارغ کروا دیا گیا ہے جس میں ان کی جگہ سلمان خان نے لے لی ہے۔واضح رہے کہ راجہ کرشنا مینن کی ہدایتکاری میں بننے والی فلم ’’شیف‘‘ 2014’میں بننے والی مشہور امریکی کامیڈی ڈرامہ فلم ’’شیف‘‘ کا ری میک ہے جس میں مرکزی کردار سیف علی خان نے ادا کیا ہے۔
