دبئی ( آن لائن )سری لنکا کے خلاف دوسرے ٹیسٹ میچ کے دوسرے روز کا کھیل جاری ہے اور ایسے میں محمد عامر انجرڈ ہو کر ہسپتال پہنچ گئے ہیں تو دوسری جانب فاسٹ باولر وہاب ریاض 5 بار اپنا رن اپ ہی بھول گئے جس پر مکی آرتھر شدید غصے میں دکھائی دیئے جبکہ کپتان سرفراز بھی نالاں دکھائی دیئے۔تفصیلات کے مطابق سری لنکا کی بیٹنگ جاری ہے اور اب تک سری لنکا نے 5وکٹوں کے نقصان پر 423رنز بنالیے ہیں ایسی صورتحال میں پاکستانی باولنگ

مکمل طور پر فلاپ نظر آ رہی ہے ،وہاب ریاض اپنا 19واں اوور کروانے آئے تو چار مرتبہ رن اپ بھول گئے اور انہوں نے اوور مکمل کرنے میں 7منٹ اور 30سیکنڈ کا وقت لیا۔وہاب ریاض کی اس حرکت پر مکی آرتھر شدید غصے میں آ گئے اور وہ اٹھ کر ڈریسنگ روم میں چلے گئے جبکہ دوسری جانب باولنگ کوچ بھی نالاں دکھائی دیئے۔واضح رہے کہ محمد عامر پنڈلی میں تکلیف کے باعث میچ سے باہر ہو گئے ہیں اور وہ اس وقت وہ ہسپتال میں جہاں ان کی انجری کا معائنہ کیا جارہاہے۔۔