لاہور ( این این آئی) قومی کرکٹ ٹیم کی سلیکشن کمیٹی نے سری لنکا کے خلاف ون ڈے سیریز کے لئے 15 رکنی اسکواڈ کا اعلان کردیا۔تفصیلات کے مطابق پاکستان اور سری لنکا کے درمیان 5 میچز پر مشتمل سیریز کا پہلا میچ 13 اکتوبر کو دبئی انٹرنیشنل اسٹیڈیم میں کھیلا جائے گا اور پاکستانی وقت کے مطابق ڈے نائٹ میچ شام 4 بجے شروع ہوگا۔قومی سلیکشن کمیٹی نے 15 کھلاڑیوں کے ناموں کا اعلان کردیا۔سری لنکا کے خلاف 15

رکنی اسکواڈ میں کپتان سرفراز احمد، احمد شہزاد، فخر زمان، محمد حفیظ، بابراعظم، شعیب ملک، عماد وسیم، فہیم اشرف، حسن علی، محمد عامر، رومان رئیس، جنید خان، حارث سہیل اور امام الحق شامل ہیں۔چیمپئنز ٹرافی کی فاتح ٹیم کا حصہ رہنے والے اظہر علی کو فٹنس مسائل کی وجہ سے آرام دیتے ہوئے ٹیم میں امام الحق کو شامل کیا گیا ہے جو چیف سلیکٹر انضمام الحق کے بھتیجے ہیں۔نوجوان کرکٹر امام الحق کو ڈومیسٹک کرکٹ میں بہترین کارکردگی پیش کرنے پر اسکواڈ کا حصہ بنایا گیا ہے۔