میران شاہ ( مانیٹرنگ ڈیسک ) سیکورٹی فورسز کے ساتھ جھڑپ کے دوران حقانی نیٹ ورک کا اہم کمانڈر ہلاک ہو گیا۔ تفصیلات کے مطابق سیکورٹی فورسز کی جانب سے شمالی اور جنوبی وزیرستان کے بارڈر پر دہشتگردوں سے جھڑپ ہوئی ہے۔ ذرائع نے دعویٰ کیا ہے کہ اس جھڑپ کے دوران حقانی نیٹ ورک کا اہم کمانڈر فاروق زردان ہلاک ہو گیا ہے۔ ذرائع نے بتایا ہے کہ فاروق رزدن ساتھیوں کے ہمراہ فرار ہو رہا تھا لیکن فورسز کے ساتھ فائرنگ کے تبادلے میں ہلاک ہو گیا۔ سیکورٹی فورسز کی جانب سے متعدد دہشت گردوں کو گرفتار بھی کیا گیا ہے اور انہیں مزید تفتیش کے لیے نامعلوم مقام پر منتقل کر دیا گیا ہے۔