کراچی ( نیوزڈیسک ) کراچی میں قانون نافذکرنے والے اداروں کے اعلیٰ افسران پر حملے اور کراچی سینٹرل جیل کو توڑنے کے منصوبے کاانکشاف ہوا ہے۔ کالعدم القاعدہ برصغیر گروپ نے کراچی سینٹرل جیل پر بڑے حملے کی منصوبہ بندی کر لی ہے۔ کرائسز منیجمنٹ سیل نے حکومت سندھ کو انتباہ جاری کر دیا ہے۔ حساس اداروں کی رپورٹس پر وفاقی وزیر داخلہ نے آئی جی پولیس اور آئی جی جیل کو ہنگامی مراسلہ ارسال کیا ہے۔ مراسلے میں سینٹرل جیل کراچی کی سکیورٹی بڑھانے کے احکامات دیئے گئے ہیں۔ القاعدہ برصغیرکے دہشت گردوں کی جانب اعلی پولیس افسران کونشانہ بنانے کے منصوبے کا انکشاف بھی ہواہے۔حساس اداروں کی رپورٹ کے مطابق کالعدم القاعدہ سے تعلق رکھنے والے دہشت گرد پولیس افسرا ن کو نشانہ بنانے کی منصوبہ بندی کر رہے ہیں